സ്മൃതിയുടെ ഏകാന്ത ജാലകം
കൊട്ടിയടക്കുക
ഉള്ളിലുറങ്ങുന്ന പ്രേത സ്മരണ തന്
ക്ഷുത്ത പിപ്പാസ ഉണര്ത്താതിരിക്കുക
വേനല് വിരിച്ച മഴക്കാട്ടിലെന്തിനോ
വേദന തല്ലി ക്കൊഴിച്ചോരിലകളെ
വാകകള് നിത്യവും സിന്ദൂര രേഖകള്
കോറിയിടുന്നോരാ ഒറ്റയാള് പാതയെ
മരണം ഒരു അജ്ഞാത പഥികനെ പോലെന്നും
പതിയിരിക്കുന്നോരാ നാലംബലങ്ങളെ
പ്രണയമൊരു രാപ്പനിയില് ആയുസ്സറ്റിടുന്ന
മറവിയുടെ ആഴത്തിലാണ്ട തീരങ്ങളെ
കപട സ്മിതത്തിന്റെ ബിരുദ മേകീടുന്ന നാടക ശാലയെ
ചപല കൌമാരത്തിന് ത്വരിത വേഗങ്ങളെ
നേരിനാല് നീറും മനസ്സുമായ് ആരോ
പാതിയില് കൈവിട്ട നഷ്ട സ്വപ്നങ്ങളെ
രക്തം മണക്കും ഇടനാഴിയില് ആരോ
പാടെ ഉപേക്ഷിച്ച ഭ്രൂണ അംഗങ്ങളെ
എന്തിനെന്നറിയാതെ നേരം തെറ്റി മാത്രം
പൂത്ത് നില്ക്കുന്നോരാ ഭ്രാന്ത്രരാം കൊന്നകളെ
ഓര്മ്മചിരാതുകള് കെടുത്തുക .........................................................
ഓര്മ്മചിരാതുകള് കെടുത്തുക .........................................................
ഒക്കെ മറക്കുക
എല്ലാം പൊറുക്കുക
തങ്ങളില് കാണുമ്പോള്
മെല്ലെ ചിരിക്കുക
No comments:
Post a Comment